ساعات
ساعات بحنلك
و ساعات بحنلها
ساعات بفكر فيكي
و ساعات بعدي عليكي
ساعات بحب أروح هناك
و ساعات بكره أجي هنا
ساعات مبفهمنيش
و ساعات بحب أكلمني
ساعات بشوف بكرة
و ساعات الضلمة تعميني
ساعات بقول هنعيش
و ساعات مروحش ولا أجيش
ساعات الدنيا تتعبني
و ساعات الكون مبيساعني
ساعات بنبقى لبعض
و ساعات تفرق بيننا أفكارنا
ساعات بتبقى لينا
و ساعات بيحلالها تبكينا
ساعات بقول بلدي
و ساعات بموت ولا تبكيني
ساعات بشوف ربي
و ساعات مبفهمهوش
ساعات نقول نصيب
و ساعات الهم بيصيب
ساعات أقول هقوم
و ساعات مقوم من النوم
ساعات الكل شايفني
و ساعات الكل يرميني
ساعات بحب الحب
و ساعات أقول أوهام
ساعات نكون أوقات
و ساعات نكون أموات
ساعات أعرف الناس
!و ساعات بخاف مني
Labels: كتابات فيها أدب
posted by الحكائين | 11:25 PM
0 Comments:
Post a Comment
<< Home