روحنا و جينا

هلت ليالي الهم هامة و غمانا
في ليل البرد علينا همانا
ليلة ورا ليلة يا مصري روحك حرمانا
من أمل
وراه جرينا و رحنا نحلم بأمانة
بمصري راجل راضع م البز
قايم عالحد واقف بيمد
إيده للغلابة
و عقله لينا من غير ما يجز

رحنا و جينا و جبنا أمل
رحنا و جينا قالولنا هبل
قلنا يا ناس دي حياة البلد
قالوا خيبتكو ليها مدد

رحنا و جينا و جبنا زباين
رحنا و جينا قالولنا بهايم
ليه ياخواننا دي ملهاش حد
ما في فايدة كدة قال سعد

طب رحنا و جينا و جبنا فلان
تحيا الملك عاش السلطان
أيه يا جماعة ده لسة أمير
لأ ده حقير من غير تفكير
يبقى قصير يبقى طويل
يبقى مدام يبقى عنتيل
بس يا ريته يبقى هلاس
من غير داوشة يقلع اللباس
أصله شريف أصله مبارك
ولا عريف ياخودلك تارك
بسلاحه الميري أصله دليلي
عالأيام على كل جليلة

رحنا و جينا و جبنا عصابة
قالولنا الحكم يا ولاد غابة
تاكل فيعا أخوك بالكامل
حتى اسألوا و يجعله عامر

رحنا و جينا و جبنا حاجات
رحنا قالولنا زمنها فات
عصر الدش و الأفلامانات
من غير غش جيلكو ده مات
أو كده في الوش من غير حسابات
دورنا جاى و حمال مات

روحنا و جينا و جبنا عصاية
روحنا و جينا آه يا بباية
لعبنا تعبنا بس كفاية
روحي يا ولية هاتيله ملاية
و خدي التوب ارميه ف غلاية
يمكن ينضف يمكن يقرف
يعمل تاني دور مشاية
للي م مكمك للي مضنك
سلة شارع هى نهاية
للي برجله علينا يدوس
ولا بعينه فينا يغوص
دي ولادة دي محروسة
مصر يا أمي ولا ألف بوسة

رباعية مصرية

آه يا بلدي حالك فوقاني تحتاني
بنمد إيدنل بنشقى و نعرى و نعاني
لا الخير طايلنا ولا الهم سايبنا
عاشقك و دمي في نيلك و برضه جرحاني
ليه بقى عجبي!